ການອອກແບບໄອຄອນພາຍໃນແອັບ¶

ໄອຄອນສ່ວນຕິດຕໍ່ຜູ້ໃຊ້ (Interface Icons)¶

ໄອຄອນສ່ວນຕິດຕໍ່ຜູ້ໃຊ້ ໃຊ້ສື່ສານສະຖານະ ຫຼື ການສະແດງຜົນການກະທຳ ເຊັ່ນ: ລະດັບແບັດເຕີຣີ ຫຼື ໂມງປຸກ, ໃນຂະນະດຽວກັນກໍ່ຊ່ວຍໃຫ້ຜູ້ໃຊ້ສາມາດດຳເນີນການຕ່າງໆໄດ້ ເຊັ່ນ: ການເປີດເມນູ, ແບ່ງປັນເນື້ອຫາ ຫຼື ພິມເອກະສານ. ໄອຄອນເຫຼົ່ານີ້ຈະຕັ້ງຢູ່ໃນແຖບດ້ານເທິງ ຫຼື ເປັນໄອຄອນພາຍໃນແອັບ ເຊັ່ນ: ໃນສ່ວນຫົວ ຫຼື ເມນູ.

ເບິ່ງ ລາຍຊື່ໄອຄອນ. ທີ່ມີຢູ່ໃນລະບົບ.

ສີ¶

ໄອຄອນສ່ວນຕິດຕໍ່ຜູ້ໃຊ້ ສາມາດກຳນົດສີໄດ້ໃນ QML ດັ່ງນັ້ນຈຶ່ງຖືກອອກແບບໂດຍໃຊ້ສີ #808080.

ຕົວອັກສອນ (Font)¶

ເພື່ອໃຫ້ UI ມີລັກສະນະທີ່ສອດຄ່ອງກັນ ແລະ ເຮັດໃຫ້ໄອຄອນ Suru ມີຄວາມໂດດເດັ່ນ, ການອອກແບບຈຶ່ງອີງໃສ່ຮູບແບບດຽວກັນກັບຕົວອັກສອນ Ubuntu. ຮູບແບບຂອງຕົວອັກສອນສາມາດນຳໃຊ້ກັບສັນຍາລັກເພື່ອກຳນົດເສັ້ນຂອບຂອງມັນ.

ເສັ້ນຂີດ (Strokes)¶

ປາຍເສັ້ນຂີດຈະເປັນຮູບສີ່ຫຼ່ຽມ ແຕ່ປາຍດ້ານເທິງຂອງເສັ້ນຂີດຕັ້ງຈະອຽງເລັກນ້ອຍດ້ວຍມຸມ +10 ອົງສາ.

ການໝຸນ¶

ເມື່ອວັດຖຸບໍ່ຢູ່ໃນແນວນອນ ຫຼື ແນວຕັ້ງ, ພວກມັນຈະຖືກຈັດວາງຕາມແກນ +45 ອົງສາ.

ມຸມ¶

ມັກນຳໃຊ້ລ່ຽມມົນຫຼາຍກວ່າຖ້າເປັນໄປໄດ້. ຮູບຕໍ່ໄປນີ້ສະແດງການຊູມຄວາມໂຄ້ງພາຍນອກ ແລະ ພາຍໃນເລີ່ມຕົ້ນ, ພ້ອມກັບຈຸດ (nodes) ແລະ Bezier handle. ຄວາມໂຄ້ງເລີ່ມຕົ້ນສາມາດປັບຂະໜາດລົງໄດ້ເມື່ອຮູບຮ່າງນັ້ນນ້ອຍລົງ.

ລູກສອນ¶

ສັນຍາລັກ Chevron ຖືກໃຊ້ສຳລັບລູກສອນນຳທາງ. ຫົວລູກສອນແມ່ນຮູບສາມແຈທ່ຽງ ເຊິ່ງສອງດ້ານທີ່ເທົ່າກັນນັ້ນຈະມີຄວາມໂຄ້ງເລັກນ້ອຍ (ຕາມຮູບແບບຂອງຕົວອັກສອນ Y).

ຄວາມທຶບແສງ (Opacity)¶

ໃຊ້ຄວາມທຶບແສງ 50% ເພື່ອສະທ້ອນເຖິງສະຖານະຂອງຕົວຊີ້ບອກ. ໃນກໍລະນີທີ່ມີສອງສະຖານະ (ຕົວຢ່າງ: ເປີດໃຊ້ງານ ແລະ ປິດໃຊ້ງານ), ຄວາມທຶບແສງຂອງທັງໄອຄອນຈະປ່ຽນໄປ. ເມື່ອສະຖານະອະນຸຍາດໃຫ້ມີຊ່ວງຂອງຄ່າ, ຄວາມທຶບແສງຂອງບາງສ່ວນຂອງໄອຄອນສາມາດປ່ຽນແປງໄດ້.

ຕາຕະລາງ (Grid)¶

ໄອຄອນສ່ວນຕິດຕໍ່ຜູ້ໃຊ້ ຖືກອອກແບບສຳລັບ 96x96 ພິກເຊວ, ໂດຍມີຂອບຢ່າງໜ້ອຍ 4 ພິກເຊວໃນທຸກໆດ້ານ.